Txepetxa, intxaurra, kaskamelan

Txepetxa-kaskamelan joaldia. Juan Mari Beltran. Oiartzun, 1998.

Txepetxa-Kaskamelan (JMBA bilduma, 0094)

Txepetxa (JMBA bilduma, 0709)

Txepetxa jotzen. 1999.

 

Txepetxa zeharka kolpaturiko idiofonoa da.

Egitura

Intxaur bat hustu ondoren, intxaur azal erdia hartu eta mutur batean puska bat kentzen zaio. Intxaur azalaren kontra tinkaturik, luzera, makilatxo bat jartzen da,  bihurritako hari batekin estu-estu helduta.

Joera

Hatz batekin makilatxoari beheraka eraginez, libre gelditzen denean intxaur azalaren kontra jotzen du hotsa emanez. Trebeziaz mota guzietako erritmoak eman daitezke kantuak laguntzeko.

Historia

Toki askotan erabili izan dira halako perkusio tresnak. Guk Nafarroako Larraungo bailaran ezagutu genituen gure haurtzaroan. Bizkaian txepetxa izena hartzen du eta Nararroako Erriberan kaskamelana (Beltran, 1996. 45-46 orr.).

TAILERRA

Intxaur bat hustu ondoren, intxaur azal erdia hartu eta mutur batean puska bat kentzen zaio.

Bere gainean, luzera, makilatxo bat jartzen zaio hari batekin estu-estu helduta eta osorik dagoen intxaur azalaren kontra tinkaturik.

Haria tinkatuta txepetxa erabiltzeko moduan dago.

ITURRIAK

Bibliografia

BELTRAN ARGIÑENA, Juan Mari. (1996). Soinutresnak euskal herri musikan. Hernani: Orain.

ETNIKER. (1993). Juegos infantiles en Vasconia. Etniker Euskalerria. Gasteiz: Eusko Jaurlaritza.

Cookieen kustomizazioa

Cookies Analytics

Webgune honek hirugarrenen cookieak erabiltzen ditu erabiltzaile kopurua zenbatzeko eta eskainitako zerbitzuari ematen zaion erabileraren neurketa eta azterketa estatistikoa egin ahal izateko. Horretarako, gure webgunean zure nabigazioa aztertu egiten da, eskaintzen ditugun produktu edo zerbitzuen eskaintza hobetze aldera, Google Anlytics cookiearen bidez.

Sare sozialetan partekatzeko cookieak

Sare sozialetan partekatzeko osagarri batzuk erabiltzen ditugu, sare sozialetan gure webguneko orri batzuk partekatu ahal izateko. Osagarri horiek cookieak jartzen dituzte, orria zenbat aldiz partekatu den ondo ikusteko.