Igela

Igela joaldia. Juan Mari Beltran. Oiartzun, 1998.

Igela (JMBA bilduma, 0266)

Igela (JMBA bilduma, 0267)

Igela jotzen.

 

Igela idiofono punteatua eta malgua da.

Egitura

Metalezko txapaz egindako intxaur azal erdi gisako pieza bat da, igel baten itxura duena. Tapa gisa altzairuzko mihi zabal bat du, alde batean “igelari” lotua eta bestean libre.

Joera

Igelaren bizkarra behera eta mihia goialdera begira jarririk, hatz lodiaren eta erakuslearen artean hartzen da. Lodiarekin mihia zapaldu eta askatu egiten da, libre duen aldetik. Bere posizio naturaletik urrundu eta gero bueltatzerakoan mihiak “klik, klik” hotsa egiten du.

Historia

Haur denboran, beste toki askotan bezala Nafarroako Sakana bailarako herrietan erabiltzen ziren metalezko hots-tresna txiki hauek. Herriko festa nagusietan, kanpotik etortzen ziren ferietako saltzaileek jostailuzko ezpatak, pistolak, maskarak, gozokiak, litxarreriak eta halako igelak saltzen zituzten. Haurrak hauek erosi eta matraka ematen aritzen ziren festak irauten zuten bitartean, gero urte osoan tresna hauen hotsak entzungo ez ziren arren (Beltran, 1996, 57.or).

ITURRIAK

Bibliografia

BELTRAN ARGIÑENA, Juan Mari. (1996). Soinutresnak euskal herri musikan. Hernani: Orain.

Cookieen kustomizazioa

Cookies Analytics

Webgune honek hirugarrenen cookieak erabiltzen ditu erabiltzaile kopurua zenbatzeko eta eskainitako zerbitzuari ematen zaion erabileraren neurketa eta azterketa estatistikoa egin ahal izateko. Horretarako, gure webgunean zure nabigazioa aztertu egiten da, eskaintzen ditugun produktu edo zerbitzuen eskaintza hobetze aldera, Google Anlytics cookiearen bidez.

Sare sozialetan partekatzeko cookieak

Sare sozialetan partekatzeko osagarri batzuk erabiltzen ditugu, sare sozialetan gure webguneko orri batzuk partekatu ahal izateko. Osagarri horiek cookieak jartzen dituzte, orria zenbat aldiz partekatu den ondo ikusteko.