Bonboa, dunba, zanbonba

Zanbonba (Bonboa) jotzen. Arizkun 1981. (arg. Tradiciones y costumbres del País Vasco I. Feliu, 1987. 182. or.)

 

Bonboa menbranofonoen familiako soinu-tresna da.

Egitura

Zurezko edo metalezko kaxa zilindrikoa du. Larruzko edo bestelako bi mintz ditu aho banatan tenkatuta.

Joera

Kutxa zerbaiten gainean jarri edo lepotik zintzilikatuz, eskuan mazo berezi bat hartuta honekin mintza jotzen da.

Historia

Musika banda, txaranga eta fanfarre musika taldeetan, ia ezinbestekoak dira halako soinu-tresnak. Hauek markatzen dute oinarrizko erritmoa eta talde osoa koordinatu eta zuzentzen dute.

Batzuetan talde handiak osatzen dituzte eta bakarka edo beste soinu-tresnekin batera erabiltzen dira. Halako famatuenak Lizarrako festetan ospatzen den “la bombada” eta azken garaietan Iruñeako San Ferminetan egiten den “el estruendo” izango dira.

Baztan aldeko inauterietako Erratzuko “Dama” taldeko konpartsan eta Arizkungo Inauterietako Hartzaren konpartsan ikus eta entzun daitezke danbor handi hauek. Bertan egindako bonbo handi hauekin aritzen dira izugarrizko zarata eginez. Bertan, halako soinu-tresnak “zanbonba” izenez ezagutzen dira (Beltran, 1996, 113-114 orr.).

ITURRIAK

Bibliografia

BELTRAN ARGIÑENA, Juan Mari. (1996). Soinutresnak euskal herri musikan. Hernani: Orain.

FELIU CORCUERA, Alfredo. (1987). Gure Herria. Tradiciones y costumbres del País Vasco. Donostia: Kriselu.

Cookieen kustomizazioa

Cookies Analytics

Webgune honek hirugarrenen cookieak erabiltzen ditu erabiltzaile kopurua zenbatzeko eta eskainitako zerbitzuari ematen zaion erabileraren neurketa eta azterketa estatistikoa egin ahal izateko. Horretarako, gure webgunean zure nabigazioa aztertu egiten da, eskaintzen ditugun produktu edo zerbitzuen eskaintza hobetze aldera, Google Anlytics cookiearen bidez.

Sare sozialetan partekatzeko cookieak

Sare sozialetan partekatzeko osagarri batzuk erabiltzen ditugu, sare sozialetan gure webguneko orri batzuk partekatu ahal izateko. Osagarri horiek cookieak jartzen dituzte, orria zenbat aldiz partekatu den ondo ikusteko.